مجموعه نكت 6

1 ـ مرة واحد امريكي وواحد اسباني وواحد صعيدي

اتفقوا مين بجيب اكبر تمساح راح الامريكي جاب واحد كبير
وراح الاسباني جاب واحد اكبر وراح الصعيدي و ما رجعش راحوا
راحوا يدوروا عليه لقوه شايل تمساح صغير
و بيغني له بابا فين ؟؟



2 ـ صعيدى أخذ شهادة دكتوراه فقال لزوجته والله
ماخبرشى ليه الناس بيضحكوا على الصعايدة أدينى جبت
الدكتوراه. فقالت له زوجته : دق على الخشب عشان العين.
فدق على ا لخشب. فقالت الزوجه مين على الباب؟
فقال الزوج: خليكي انا حاشوف مين


3 ـ مرة صعيدي طلعله عفريت علاء الدين وقال له شبيك لبيك
خدامك بين ايديك قال له
عايز كوبري من الصعيد الى نيويورك
قال له مستحيل شوف طلب غيره قاله طيب خلي الصعايدة يفهموا
فكر شويه وقال له عايز الكوبري اتجاه واحد ولا اتجاهين ؟



4 ـ مره واحد صعيدى سافر مصر إتسرقت المحفظه بتاعته بلغ عنها
فقال له الظابط حاضر حجيبهالك من تحت الأرض طلع الصعيدى
بره لقى الناس بتحفر لخط المترو فقال لهم الهمه يارجاله هى
سوده وفيها سوسته




5 ـ بلدياتنا سافر امريكا واصحابه نصحوه ياخد معاه 3 زلع مش
علشان الاكل الامريكانى مش حلال بس نبهوه يسمى قبل ما ياكل
احسن الشيطان ياكل معاه.اول شهر اكل اول زلعة بس نسى يسمى،
تانى شهر برضه نسى يسمى، ثالث شهر طلع له الشيطان قاله:
"ابوس ايدك سمى، صدرى اتحرق!"


6 ـ عملوا مسابقة لاسرع واحد يصطاد ارنب برى من مغارة مهجورة
الامريكى دخل المغارة وخرج بعد 10 دقايق وفى ايده ارنب
الالمانى دخل المغارة وخرج بعد 7 دقايق وبرضه فى ايده ارنب
بلدياتنا دخل المغارة وغاب خمس ايام دخلوا يطمنوا عليه لقوه ماسك
اسد بيضرب فيه وبيقول له : جول آنى ارنب جول آنى ارنب


7 ـ واحد فشار بيحكي مغامراته لصاحبه الغلس

الفشار : كنت ماشي مره في الصحره طلع عليا اسد فضلت
اجري اجري لغايه ما لقيت عماره طلعت فيها

الغلس : يا كداب هو في الصحرة في عماره

الفشار : اه اسف فضلت اجري اجري لغاية ما لقيت شجره طلعت فوقها

الغلس : قال له يا كداب هو في الصحرة في شجره

الفشار : اه اسف فضلت اجري اجري لغايه ما لقيت جراج دخلت فيه

الغلس : يا كداب هو في جراج في الصحرة

الفشار : فضلت اجري اجري لغاية ما أكلني ارتحت ؟

روعه