تصريح لمن يهتم بالمظاهر

 من الطبيعي لشعب "الشعب العربي" اعتاد الاهتمام بالمظهر وعدم الالتفات للمضمون والباطن أن تنتشر فيه منتجات "النكهات" .

شوية مية بسكر ، وحط عليهم نكهة تفاح أو ليمون أو كنتالوب يباع على إنه عصير فاكهة . لا يغذي جسمك بأي فوائد للفاكهة ولكنك تشم رائحة الفاكهة وتستمتع بطعم الفاكهة وتودي جسمك في ستين داهية .

شوية زيت نباتي معدل كيميائيا عليه نكهة ورائحة السمن البلدي يباع ويتهافت عليه الناس لأنه أخف من السمن البلدي في موضوع السمنة . نعم معلومة صحيحة ، هي أخف في السمنة وتقلل من زيادة الوزن بالمقارنة بالسمن البلدي ، لكن السمن البلدي آخرته سمنة ودي محلولة ،أما السمن الصناعي النباتي آخرته سرطان وأمراض قلب وشرايين وبلاوي زرقاء !!

المشروبات الغازية عبارة عن ماء فحم ، ماء مكربن لونه أسود بلون الفحم ، يمر بعد ذلك على مواد كيميائية تسحب منه اللون فيصبح أبيض رائع البياض ، ثم شوية طعم ورائحة ولون آخر بحسب النكهة واشرب وانتا في الطراوة .

حتى الدخان (السم البطيء) أصبح بالنكهات . وقريبا المخدرات والهيروين والكوكايين بالنكهات .. إديها ريحة وطعم حلو هتبيع آخر حلاوة .. فالشعب نايمة في العسل

لو عايز تبيع كويس دلوقتي : هات شوية طين ، غير لونه الأسود بمواد كيميائية خليه أبيض ، ثم شوية روائح وطعم وبيعه على إنه حلاوة طحينية ، صدقني هيمدح الناس ترميلته الرائعة ، زي ما مدحوا ترميلة السمنة اللي هيا عيب أصلا لأنها غير موجودة في السمن البلدي :)

يا شعب أغرته المظاهر .. فابتكر لكم المنتجون النكهات .. اعلموا أن كل ذو نكهة وطعم جميل يحمل في مضمونة سم زعاف .. فاهتم بجسمك واهتم بجسدك .. اهتم بالمضمون .. وبداية المضمون مضمون دينك قبل مظاهر دينك .. أنت السبب .. قرر